Libro de Buen Amor: 033C

Aquí fabla del pleyto qu'el lobo e la raposa ovieron ante don Gimio alcalde de Buxía C 033C Pág. 033C de 112 Libro de Buen Amor Arcipreste de Hita Magüer contra la parte o contra el mal testigo, sea excepción probada, non l' fará otro castigo, desecharán su demanda, su dicho non val' un figo, la pena ordinaria non avrá, yo vos lo digo. Si non fuere testigo falso, o si lo vieren variar, ca entonçe el alcalde puédele atormentar, non por la excepçión, mas por lo que puede far, en los pleytos criminales su ofiçio ha grand lugar. Por exepçión se puede la demanda desechar, et puédense los testigos tachar et retachar, por exepçión non puedo yo condepnar, nin matar, nin puede el alcalde más que el derecho mandar. Por quanto yo fallo por la su confesión del lobo ante mi dicha, et por otra cosa non, fallo que es probado lo que la marfusa pon': por ende pongo silençio al lobo en esta saçón. Pues...